BOTI YAZAMA MAENEO YA LAMPEDUSA NA KUUA WATU KADHAA

Hadi sasa miili 127 imepatikana na watu wengine walio hai 150 wamepatikana hai huku jitahada zakutafuta miili mingine ikiendelea
Boti hiyo ilizama ikiwa imesalia na kilomita moja kufika katika ufuo wa bahari siku ya Alhamisi.
Kwa mujibu wa maafisa wa uokozi, idadi kubwa ya miili ya wahamiaji hao inaaminika kuwa ndani ya boti hiyo iliyozama.

Zaidi ya watu 150 waliokolewa. Wengi wa waliokuwa katika boti hiyo walikuwa raia wa Somalia na Eritrea wakiwa katika safari ya kutafuta hifadhi nchini Utaliana. Inaaminika boti hiyo ilikuwa imewabeba watu 500

Kwa mujibu wa taarifa za serikali ya Utaliana ,mmiliki wa boti hiyo ambaye ni raia wa Tunisia alikamatwa
Aliwahi kufukuzwa kutoka nchini humu mnamo mwezi Aprili.

"Huu sio mkasa wa Italia, ni mkasa wa Ulaya na sharti kisiwa cha Lampedusa kionekana kuwa kitovu cha kuingilia Ulaya wala sio Utaliana tu,'' alinukuliwa akisema afisaa mmoja wa serikali .

Kote nchini Utaliana, kutakuwa na kimya cha dakika moja kuwakumbuka walioangamia.
kwa sababu ya kutokuwa na stakabadhi zinazohitajika, njia pekee ya wahamiaji wa kiafrika kufika Ulaya ni kupitia baharini kwa kusaidiwa na makundi ya wahalifu.

Mwandishi wa BBC Allan Johnston anasema kuwa wakati huu ambapo,mawimbi ya bahari ya Mediterranea yanakuwa yametulia, mamia ya wahamiaji huwasili katika fuo za kisiwa hicho karibu kila siku.

Ni kisiwa kilicho karibu zaidi na pwani ya Afrika Kaskazini, kikilinganishwa na umbali kati yake na Italia.

kisiwa cha Lampedusa, kilikuwa kama chumba cha muda mfupi cha kuhifadhia maiti, kufuatia wingi wa maiti, baada ya boti iliyokuwa na wahamiaji kutoka Afrika kuzama.

Taarifa za hivi punde zinaaelezea wengi katika boti hiyo walikuwa ni raia wa Eritrea na Somalia.

Share on Google Plus

About Omari Makoo