KITUO CHA DEMOKRASIA TANZANIA(TCD) CHATOA MAPENDEKEZO 16 KUEKEA KATIKA BUNGE LA KATIBA

Mwenyekiti wa TCD, James Mbatia alitangaza maazimio hayo juzi wakati wakufunga mkutano wa siku mbili uliohusu tafakuri na maridhiano kuelekea Bunge maalum la Katiba.

Dar es Salaam.Kituo cha Demokrasia Tanzania (TCD), kimetoa maazimio 16 likiwemo la wajumbe wa Bunge Maalum la Katiba kujenga hoja na kuepuka kusukumwa na maslahi binafsi na ya vyama vyao vya siasa katika mchakato wa kupata Katiba mpya.

Mwenyekiti wa TCD, James Mbatia alitangaza maazimio hayo juzi wakati wakufunga mkutano wa siku mbili uliohusu tafakuri na maridhiano kuelekea Bunge maalum la Katiba.

" Wajumbe wa Bunge Maalum la Katiba tuepuke kusukumwa na misimamo binafsi, ya vyama na ya makundi tunayoyawakilisha," alisema Mbatia akitoa maazimio hayo.

Mbatia alisema wameazimia kuwa kuna umuhimu wa kuchagua viongozi wa Bunge Maalum kwa kuzingatia uadilifu, weledi, uzalendo na uzoefu ili waweze kutetea maslahi ya taifa.

Azimio jingine lililotolewa kwenye mkutano huo ni Bunge Maalum kuzingatia rasimu ya Katiba, taarifa ya Tume ya Katiba na maoni yanayoendelea kutolewa na makundi mbalimbali katika jamii.

Mbatia alisema pia kuwepo kwa mfumo wa utekelezaji wa haki za binadamu pamoja na haki za makundi maalum yaliyopo katika taifa.

" Pia kuwepo kwa muundo wa dola unaozingatia mgawanyo bora wa madaraka baina ya Serikali, Bunge na Mahakama ili vyombo hivyo viweze kutimiza majukumu yake kwa ufanisi, uwazi bila kuingiliana," alisema Mbatia.

Azimio jingine ni kwa TCD kuendelea kuandaa na kuratibu mijadala ya kujenga maridhiano katika kipindi chote cha mchakato wa Katiba.

CHANZO:MWANANCHI

Share on Google Plus

About Omari Makoo