PICHA KUTOKA MAKTABAKISA CHENYE MAFUNZO(VOL 13)
Katika jiji la Dar es salaam katika miaka ya 2001 kijana mmoja ambae alionekana kuwa na muonekano hafifu kutokana na kupigwa kimaisha.Hakuchoka kutafuta kamwe,kila saa kumi na moja ya usiku tayari alikuwa ndani ya magari yaendayo mashambani kwa ajili ya kwenda kuchukua ndizi na kuja kuuza sokoni.
Kwa hakika alikuwa maarufu sana kwa ukarimu na huruma kwa watu pamoja na heshima kwa watu wenye rika zote.
Siku moja akiwa anaelekea kwenye stand ya daradara ziendazo mashambani akaskia kerere za watu waliokuwa wakiita mwiziii mwiziii,akajaribu kuangaza macho yake huku na huku kutizama wapi mwizi alipo pasina kumuona....Alishangaa kuona umati mkubwa wa watu waliobeba mapanga,mawe na silaha za jadi wakija upande wake.Kwa akili ya haraka haraka akajua huenda mwizi amewapotea na wanakusudia kuja kumuuliza labda amekunjia kona ipi......Ghafla mawe yakaanza kumlaki kijana yule huku wenye mapanga wakimsogelea na kuanza kumshambulia vikali,Alijaribu kujitete lakin haikuwa rahisi watu waliokuwa na hasira na wezi,Hawakumsikiliza kabisa zaidi ya kumtwanga vitofa mpaka kupoteza fahamu,Damu nyingi zilim-mwagika kisha raia wakaanza kuchanga pesa ya kununulia petroli ili waweze kumchoma moto kabisa.Pesa ikatimia kisha akaagizwa kijana mmoja aende akanunue petroli,kwa haraka sana alienda kisha na kurejea na dumu lililojaa petroli alipofika kabla ya kumwagia kijana yule ndipo alipowasili mmama mtu nzima kidogo ambae hakuwa na uwezo wa mbio ingawaje yeye ndiye aliyeporwa simu pamoja na kipochi akiwa anaelekea kazini.
Mmama huyo alishangaa kukuta kijana aliyelala chini si yule aliyempora simu na kipochi ingawaje walifanana mavazi ya juu na chini.
Alilalama kwa kusema mmemua mtu siye Kwa Mungu na apa huyu siye aliyeniibia ee Mungu wangu naomba unisamehe kwa hili....Alili kwa uchungu mithili ya aliyefiwa na mumewe au mwanae lakini haikubadilisha ukweli.....
Watu wote walianza kushangaa na kila mtu nafsi kumsuta kwa kusababisha maumivu makali kwa mtu asiye na hatia...Wengi walibubujikwa na machozi huku wasijue nini wafanye...kila mmoja akaanza kuomba kivyake kwa Mungu ili ajaalie kijana yule asife.....
Wakati kunaanza kupambazuka kijana alifungua macho na fahamu kurejea watu wakaanza kufurahi na kuhisi Mungu amejibu dua zao ghafla kijana alianza kukoroma na kukata roho.................
NA HUO NDIO ULIKUWA MWISHO WA KIJANA HUYO
FUNZO:SI KILA ANAEITIWA MWIZI BASI ANAHATIA,KAMWE HAUTOWEZA KUISHI KWA AMANI UKIGUNDUA KUWA UMEITOA ROHO ISIYO NA HATIA..
TUACHE SHERIA ZIFUATE MKONDO WAKE
0 comments :
Post a Comment