HAYA NDIYO YALIYOJIRI KWENYE KIKAO CHA ZITTO,KITILLA NA WAANDISHI WA HABARI

Siku moja baada ya chama cha Demokrasia na maendeleo- Chadema kuwavua nyadhifa zote za uongozi aliyekuwa naibu katibu mkuu wake Mh. Zitto Kabwe na wenzie wawili kufuatia tuhuma za kukihujumu chama hicho Mh. Zitto amesema ataendelea kuwa mwanachama mtiifu na atayaheshimu maamuzi yaliyotolewa ili kukiimarisha chama hicho.

Mh. Zitto Kabwe aliyeongozana na mwenzie Dr. Kitilla Mkumbo amesema hayupo tayari kuona chama chake kinapoteza mwelekeo kwani ndio chama pekee kilichomkomaza kisiasa na kuahidi kutumia njia mbadala ya kidemokrasis kuhakikisha tofati yake na chama hicho itakwisha ili kukiimarisha chama hasa kipindi hiki cha kuelekea kwenye uchaguzi na kuonya mipasuko ndani ya chama yaweza ongeza mafanikio kwa chama kingine ambapo amewahakikishia Watanzania na wanachama wake kuwa hayo yataisha na Chadema itaendelea kutetea haki za wanachi na taifa kwa ujumla.

Kwa upande wake aliyekuwa mjumbe wa kamati kuu Dr. Kitilla Mkumbo amekiri kuandaa waraka huo akishirikiana na mwenyekiti Chadema mkoa wa Arusha Samsoni Mwigamba uliolenga kubadilisha uongozi wa juu wa chama hicho kidemokrasia na kukiri kutaka kujiuzulu bila mafanikio na kuongeza kuwa Mh. Zitto aliyetambulika ndani ya waraka huo kama “mm” yani mhusika mkuu hakuwa anajua chochote kuhusiana na waraka huo hata hvyo Dr. Kitilla amekataa kumtaja mhusika mwingine aliyetajwa kama m2 ambapo m1 alikuwa yeye na m3 akiwa Samasoni.

Nao baadhi ya wafuasi wa chama hicho wameelezea kufurahishwa na hatua wakiyoichukuwa viongozi wao na kuwa ni kitendo cha uzalendo na kukomaa kisiasa na kutoa wito kwa chama hicho kuepuka migongano ili kukikuza kwa maslahi ya taifa.