UMOJA WA FALME ZA KIARABU(IMARATI) YAINGILIA KATI SWALA LA MURSI,LAMUITA BALOZI WA TUNISIA NCHINI

Umoja wa Falme za Kiarabu, Imarati umemwita nyumbani balozi wake wa nchini Tunisia kulalamikia wito wa Rais wa nchi hiyo Moncef Marzouki kutaka Muhammad Morsi, rais wa Misri aliyeondolewa madarakani na jeshi na kuwekwa kizuizini hadi sasa, aachiliwe huru. Akihutubia mkutano wa Baraza Kuu la Umoja wa Mataifa juzi Alkhamisi, Rais wa Tunisia aliwataka watawala wapya wa Misri wanaoungwa mkono na baadhi ya nchi za Kiarabu ikiwemo Imarati wamwachie huru Rais halali wa nchi hiyo Muhammad Morsi aliyeondolewa madarakani Julai 3 katika mapinduzi yaliyoongozwa na jeshi. Gazeti la Al- Khaleej linaloakisi misimamo ya serikali ya Umoja wa Falme za Kiarabu limekosoa hotuba ya Rais wa Tunisia kwa kuishambulia serikali ya mpito ya Misri na kusisitiza kuwa kinachotakiwa kufanywa ni kuiunga mkono serikali ya Cairo ambayo imekuja madarakani kwa matakwa ya wananchi. Baada ya jeshi kumuondoa madarakani Morsi, Umoja wa Falme za Kiarabu, Saudi Arabia na Kuwait ziliunga mkono mapinduzi hayo na kuahidi kuipatia kwa pamoja Misri msaada wa dola milioni 12 kusaidia uchumi wake uliozorota…/
  source Iran swahili radio

Share on Google Plus

About Omari Makoo