BARCELONA KUTUA TANZANIA MARCH 28 MWAKA HUU TAYARI KUVAANA NA TANZANIA ALL STARS

TIMU ya wachezaji nyota wa zamani Barcelona FC watacheza mechi na wachezaji wa zamani wa Tanzania, Tanzania All stars machi 28 kwenye uwanja wa taifa.

Mwakilishi wa wachezaji wa Barcelona, Patrick Kluivert alisema jana mechi hiyo itawahusisha wachezaji nyota wa Barcelona wakiwemo, Edgar Davis,Gaiza Mandieta, Ludovi Giuly, Francesco Coco na wengine waliopita kwenye timu hiyo.

Kluivert alisema "ameshakuwa mwenyeji hapa Tanzania kwani ni ujio wake wa tatu na anaamini kuwa mashabiki wanapenda sana mpira wa miguu , itakuwa fursa kubwa kwao kuviona vipaji vya zamani ambavyo vimetukuka, hivyo amewataka mashabiki waje uwanja wa taifa kuona mpira wenye ushindani," alisema Kluivert.

Mwakilishi wa kampuni ya PrimeTime Promotion inayoratibu mechi na ziara ya timu hiyo Barcelona, Stuart Kambona alisema kuwa madhumuni ya mchezo huo ni kudumisha mahusiano ya kibiashara ya mpira wa miguu kati ya Tanzania na Hispania, pia kuitangaza Tanzania kwenye sekta ya utalii.