WAVUVI WA COMORO WAOKOTWA PEMBA BAADA YA KUPOTAEA BAHARINI

Baadhi ya wananchi na watendaji wa uhamiaji wilaya ya Mkoani, wakiangalia boti iliokuwa imewabeba wavuvu raia wa Comro, wakiwa bandari ya Mkoani Pemba, wakifanya usafi, ambapo wavuvi hao walipotea tokea Mei 11 mwaka huu na kuoneana Juni 24 katika bahari ya Mkoani

 

Watu wanaodhaniwa kuwa ni wavuvi ambao ni raia wa visiwa vya Comoro, waki nje ya hospitali ya Abdalla Mzee Mkoani Pemba, wakiwa na furaha baada ya kupatiwa matibabu, kufuatia kubururuwa na maji tokea Mei 11, mwaka huu na kuonekana juzi Juni 24 bahari ya Mkoani Pemba.

 SAMAKI waliokuwa wamekaushwa kwa jua ambao walikuwa wanakula wavuvi sita wa Comoro, ambao walipotea kwa kubururwa na maji tokea Mei 11, mwaka huu hadi kuoneakana juzi,  Juni 24 mwaka huu bahari ya Mkoani Pemba.

 WATU wanaodhaniwa kuwa ni wavuvi ambao ni raia wa visiwa vya Comoro, wakiwa ndani ya boti yao aina ‘Fiber’ wakifanya usafi, baada ya kuokotwa juzi bahari ya Mkoani, tokea walipopotea kutoka kwao, Mei 11  mwaka huu, ambapo hali zao ni nzuri, wakisubiri taratibu za nchi na kurudi kwao.

  Baadhi  ya wananchi na watendaji wa uhamiaji wilaya ya Mkoani, wakiangalia boti iliokuwa imewabeba wavuvu raia wa Comro, wakiwa bandari ya Mkoani Pemba, wakifanya usafi, ambapo wavuvi hao walipotea tokea Mei 11 mwaka huu na kuoneana Juni 24 katika bahari ya Mkoani

Msaidizi nahodha wa ‘fiber’ iliokuwa imebeba wavuvi sita wa Comoro na kupotea tokea Mei 11 na kuoneakana juzi bahari ya Mkoani Pemba Yunnus Maishe Mussa, ambae anazungumza Kiswahili taratibu, akizungumza na waandishi wa habari juu ya mkasa uliowakumba

 

 

Na Haji Nassor, Pemba    

                                 

WATU sita wanaodhaniwa kuwa ni wavuvi raia wa Comoro, ambao wameondoka kwao tokea Mei 11 mwaka huu na kukaa baharini wakiwa na chombo chao siku 45, wameokotwa jana katika bahari ya Matumbulini wilaya ya Mkoani Pemba.

 Watu hao waliokotwa na wavuvi wa shehia ya Mwambe wilayani humo, wakati walipokuwa kwenye kazi zao za uvuvi, ndipo waliopoona ishara ya nguo zikipeperuka baina ya majira ya saa 4:00 na saa 5:00 usiku na walipowafika walikuta watu hao kutoka Comoro.

Taarifa zinaeleza kuwa baada ya kuokotwa wakiwa wana elea elea na chombo chao aina ya ‘Fiber’ walifikishwa hospitali ya Abdalla Mzee Mkoani majira ya saa 6:00 usiku na kuanza kutiwa majia na kisha kufanyiwa uchunguuzi wa afya zao.

Akizungumza na waandishi wa habari hizi hospitali hapo, Muuguzi wa afya ya akili wa hospitali hiyo, Dk. Said Ali Said alikiri kuwapokea watu hao, ambapo alisema baada ya uchunguuzi wamegundua kuwa watu hao walikuwa wamekosa nguvu baada ya kukosa chakula kwa muda mrefu.

“Unajua tumegundua kuwa, wamekosa nguvu mwilini, maana wamekaa na njaa kwa muda mrefu, ingawa samaki wa kukausha kwa jua waliokuwa wanakula, kidogo wamewasaidia kwa hivyo hakuna alieathirika’’,alifafanua.

Alifafanua kuwa mara baada ya kuwatia maji, waliwapatia uji, chai na mikate, ambapo afya zao zilianza kujirudia kama kawaida na kwa sasa wanaendelea vyema.

Aliwataja watu hao waliojiita wavuvi kuwa ni, nahoza Alloui Huomad Mromaji (40), msaidizi nahoza Yunus Maishe Mussa (45), Deiyan Ahamad Wali (25), Hassan Mmadi Abdul (59), Ibrahim Mzee Said (45) na Abdalla Abdurr-ahaman Abass (35) wote wakaazi wa visiwa vya Comoro.

Akizungumza na waandishi wa habari msaidizi nohoza wa wavuvi hao ambae anazungumza lugha ya kiswali kidogo, Yunus Maishe Mussa, alisema hawakuwa katika mavuvi siku hiyo, bali walikumbwa na mkasa huo walipokuwa wakirudi kununu chakula.

“Hii ni boti yetu ya uvuvi, lakini hiyo tarehe hiyo 11 ,wezi Mei, tulikuwa tunatoka kisiwa kimoja kwenda chengine, ndipo tulipoishiwa na mafuta na kubururwa na maji hadi Pemba’’,alifafanua.

Alieleza kuwa hawakuja kisiwani Pemba kwa nia mbaya, bali ni kutokana na upepeo unavyo vuma, ndio maana wamejikuta kisiwani humo jana, baada ya kukaa baharini siku 45 na kuokotwa na wavuvi wenzao.

“Kipindi chote hicho tulikuwa tunakausha samaki kwa jua, na kisha tunakula, ndio chakula chetu hatuna chengine, hadi tullipoletwa juu bandari ya Mkoani’’,alifafanua.

Afisa Uhamiaji wilaya ya Mkoani Pemba Abdalla Shehe alisema, wanaendelea kufuatilia taarifa za watu hao, kwanza kujua iwapo ni wavuvi na baada ya kujiridhisha watawakabidhi kwa ubalozi mdogo wa Comoro uliopo Zanzibar kwa kuwarejesha kwao.

Hata hivyo alisema wanamashaka kidogo kwa vile kama ni wavuvi walipaswa waone sehemu maalumu ya kuhifadhia samaki, na kukosekana ndani ya chombo hicho, ndio maana hawajaridhishwa na kauli zao.

“Tunafanya mawasiliano ya kimataifa, kujua kwamba kwenye nchi yao kuna taarifa za kupotea wao, na kisha na sisi baada ya uchunguzi wetu kukamilika na kujiridhisha tutawasiliana na ubolozi kwa hatua’’,alifafanua.

Hii ni mara ya pili ndani ya mwaka huu kwa wavuvi kutoka Comoro kuokotwa bahari ya Mkoani kwa madai ya kubururwa na upepo ambapo mwezi uliopita waliokotwa wavuvi wawili.

Share on Google Plus

About Omari Makoo