GOOGLE WAFUNGIA AKAUNTI YA GEERT WILDERS KWA KUANDIKA MANENO YA CHUKI DHIDI YA UISLAM

Google imeifungia akaunti ya Mwanasiasa wa kiholanzi mwenye chuki zaidi na uislamu Geert Wilders, baada ya kutolewa malalamiko dhidi yake kutumia akaunti hiyo kueneza chuki ya kupambana dhidi ya Uislamu.

Malalamiko hayo yaliwasilishwa na Mohammed Rabbae kwa niaba ya Baraza la taifa la Morocco kwa kutumia vibaya huduma za Google.

Malalamiko ya Rabbae yalitokana na malalamiko ya watu wengi dhidi ya Wilders kufuatia kutoa stika wiki iliyopita iliyosomeka kwamba, 'Uislamu ni uongo, Muhammad ana kosa la jinai, Qurani ni Sumu'.

Katika kujitetea mwanasiasa huyo alisema hakumaanisha ubaya dhidi ya uislamu. Hata hivyo amefungua akaunti nyingine mpya. Mwaka 2008 alitoa makala ya dakika 15 inayoshutumu Qurani kwa uchochezi wa vurugu.

Wilder ndiye mtu anayetajwa kwa sasa kuongoza kuwa na chuki zaidi dhidi ya Mtume Muhammad ﷺ na dini ya Uislamu.

Mshirika wake wa karibu sana aliyekuwa akipinga zaidi ni Arnoud van doorn ambaye mwanzoni mwa mwaka huu amesilimu.

Kabla ya kusilimu Van doorn ndiye aliyetajwa kuwa ndiye aliyeongoza kwa kumchukia Mtume Muhammad ﷺ na Uislamu.

Chanzo:Ahbaabur