HIZB TAHRIR YATOA TAMKO KUHUSU LA SHAMBULIZI LA GARISSA

Harakati ya Kiislamu ya Hizb ut-Tahrir Afrika Mashariki imeshutushwa na mauaji ya wanafunzi 147 huko Garissa, Kaskazini Mashariki mwa Kenya. Shambulizi hili limehuzunisha wengi nchini Kenya hasa iki-zingatiwa limekuwa la kutisha zaidi hata kuliko yote yaliyofanywa miaka ya hivi karibuni yakiwemo ya Westgate na Mpeketoni. Huku tukishuhudia umwagikaji huu wa damu za watu wasokuwa na hatia tungependa kutaja yafuatayo:-

1-Lawama lazima kwanza itupiwe vyombo vya usalama ambavyo licha ya kudaiwa kufanywa mabadiliko ikiwemo hata kubadilishwa kwa vinara wake bado mauaji kama haya yanaendelea. Twasema ni jukumu la kiserikali kuhakikishia usalama wa raia wake wakiwa madukani, mashuleni na barabarani. Hata hivyo twaonya kuwa tukio lisichukuliwe kama njia ya kueneza chuki baina ya Waislamu dhidi ya wasokuwa Waislamu au baina ya kabila moja dhidi ya kabila jengine.

2- Ama kukiri kwa Al-Shababu kuhusika na shambulizi hilo sio muhimu  bali la muhimu zaidi ni kuangalia na-tija itakayotokamana na shambulizi hilo. Tumeona baada ya mashambulizi kama haya jinsi gani vyombo vya usalama vya serikali vinavyotia Waislamu kwenye misuko misuko zaidi kwa kile kiitwacho vita dhidi ya misimamo mikali na ugaidi kwa ujumla. Pamoja na hayo, Mataifa ya kimagharibi hufanya mashambulizi kusudi ili kusukuma ajenda zao za kikoloni katika mataifa mbali mbali. Na kwa sasa twaona mataifa haya yanapatiliza mashambulizi haya kama njia ya kufanikisha ajenda hizo zao za kikoloni hasa ikizingatiwa kuwa kumegunduliwa katika kanda ya Afrika Mashariki maadini mengi ikiwemo mafuta. Na hii ndio maana Uinge-reza ilitabiri uwezekano wa kutokea kwake huku Marekani ikatahadharisha Uganda juu ya uwezekano wa shambulizi la ugaidi. Kwa kifupi ni kuwa Mataifa ya kimagharibi yana piga vita Uislamu kote dunia na hutafu-ta visingizio vingi katika kampeni yake hii.

3-Tunaamini kuwa Kenya ingekuwa na sera nzuri ya kigeni na ya kindani basi labda tusingeshuhudia mauaji haya. Serikali yoyote ile inayolenga kudumisha amani kwa raia wake lazima ihakikisha kuwa sera zote ni nzuri. Kwa bahati mbaya leo, sera za mataifa mengi leo barani Afrika ikiwemo Kenya ni mbovu na huathiriwa na mataifa ya Kikoloni ya Kimagharibi zilizo na sera mbovu zaidi za kukoloni mataifa mengine. Ni kupitia sera hizi mbovu Marekani na Uingereza hung’ang’nia rasilimali za Somalia huku mataifa hayo yakidai yanapambana na ugaidi! Isitoshe mataifa haya hushawishi nchi nyingi ati kusaidia vita dhidi ya ugaidi ambavyo mara nyingi husababishia hasara kubwa kama hii tunayoshuhudia kwa sasa.  Na hili liko wazi kwani wakenya wengi kwa sasa hawana imani na oparesheni ya kijeshi ya Kenya huko Somalia.

4-Tunamaliza tukisema kuwa Uislamu unataka damu, mali na cheo kuheshimiwa. Hii ndio maana uka-haramisha umwagikaji wa damu wa watu wasokuwa na hatia na ukaitaka serikali yake (Khilafah) kulinda usalama wa raia wake wote pasina na kuangalia dini, rangi au jinsia. Nasi Hizb ut-Tahrir tunalingania Uislamu kama mfumo kamili wa kimaisha kwa lengo kuregesha maisha mazuri ya Kiislamu chini ya Serikali ya Khilafah itakayohifadhi damu, mali na cheo kwa kila raia wake sawa wawe ni Waislamu au wasokuwa Waislamu.

Kumb: 11/1436    16 Jumada Thaaniya 1436 Hijri       03 -4-2015

Shabani Mwalimu
Mwakilishi kwa Vyombo Vya Habari
Hizb ut-Tahrir Afrika Mashariki

Simu:  +254 720597841 / +254 789 754 608
Pepe:   media@hizb-eastafrica.com
Tovuti rasmi ya Hizb ut-Tahrir
www.hizb-ut-tahrir.org
Tovuti ya Afisi ya Habari ya Hizb ut-Tahrir
www.hizb-ut-tahrir.info

Share on Google Plus

About Unknown