MILA HII MILA GANI?
1.
Bismilahi jaliyani, kwa jinale la
kuwata,
Katumbasi hakiyani, kwa shairi
najikita,
La ndoa nawahojini, majibu
nayatafuta,
Mila hii mila gani? Namtata nauliza.
2. Tunaishi minazini, kwa umoja bila vita,
Kwa zetu mila za dini, ni zetu
ndizo sifata,
Ila sasa shangazwani, majibu bila kupata,
Mila hii mila gani? Namtata nauliza.
3. Barobaro
mefikani, kijana ndoa kufata,
Binti naye yu radhini, tuanze yetu
maisha,
Pingamizi subiani, nimebaki
mebuhita,
Mila
hii milagani? Namtata nauliza.
4.
’Kijana wafanya nini, binti yetu kumfata,
Kwenu kwako waishini, au la nyumba matata,
Utabaki minazini, magomeni
kutofata”,
Mila
hii mila gani? Namtata nauliza.
5. ”Kijana
wamilikini, kwa maswali wakung’ata,
pikipiki ama gani , chako kipato
kuteta,
Tueleze kwa makini, wetu binta
takamata”,
Mila hii mila gani? Namtata nauliza.
6. ‘Bara
au pembezoni, kijana wapi mekita,
Kama ni unyamwezini, hutopata wetu binta,
Hatutaki pelekani, kwa golo kijana pita,’
Mila
hii mila gani? Namtata nauliza.
7. Mila hii mila gani , mbona kwani mwatukata,
Kwa ukubwa atharini , vijanenu
twashimita,
Kapata jiko chogoni , mwanikata na manyota,
Mila
hii mila gani? Namtata nauliza.
8. Shemegi wa ukatani , na thamani hutopata,
Kuingia qabulini , kwa mahali hutopita,
‘Tunataka milioni,au
samani taleta,’
Mila
hii mila gani? Namtata nauliza.
9. Wenu wingi maharini, siyo
Baraka kupata,
Kuishi kwenu ziwani, sifasiriwe ni
tata,
Muogopeni manani, kuziniwa wenu binta,
Mila hii mila gani? Namtata nauliza.
10. Siwatii lawamani, kwa nasaba kujisuta,
N’tokako
mahameni, ili mujue kupata,
Unasaba arabuni, sasa acheni lanata
Mila hii mila gani? Namtata nauliza.
11.
Kijana
nazeekani ,barazani mejikita,
Ishirini thalathini , arobaini napita,
Si
mvivu si muhuni, kiniponzacho ukata,
Mila hii mila gani, Namtata nauliza.
12.
Binti nae lalamani, na utawa kishapata,
“Ami yako subirini, wa Dubai hatosita,
Olewa sikubalini, na mtu aso wa bata,”
Mila hii mila gani? Namtata nauliza.
13. Rasuli tumuigeni, mtumetu masumita,
Hakujali arabuni, ambao si twajiita,
Kwa rangie kujubuni, kiburini kujiita,
Mila hii mila gani? Namtata nauliza.
14. ”Mitendeni pembezoni, haweshani
kujiteta,
Kwa ubora nasabani, vote hivi vinanata,
Ni mimi wa magomeni, na sitokei tegeta,”
Mila hii mila gani? Namtata nuliza.
15.
Upotevu tuacheni, ujingani biringita,
Vijanenu tazameni, miji mambo wanofata,
Wanenu haribiwani, nao pia wajikita,
Mila hii mila gani? Namtata
nauliza.
16. Mambo yao fanyiwani, tazimia kwa kujuta,
Hii yote kutunzani, heshimae sijepita,
Na janga waokoeni, jinamizi linapita,
Mila hii mila gani, Namtata
nauliza.
17.
Fedheha
tatawalani, iwapo mato fumbata,
Mashariti punguzeni, na vikwazo
kuvifuta,
Ya msingi yawekeni, na vijana kuyapata,
Mila hii mila gani? Namtata
nauliza.
18. Sidhalilishetu dini, kwa
machafu mwaitita,
Mwajitia lawamani, jiandaeni kujuta,
Ozesheni oaneni, na vizazi vije peta,
Mila hii mila gani? Namtata nauliza.
19. Ni hakika linichusha, hata
mkanitapisha,
Kwa mahali ya kutisha, kwayo sitawasafisha,
Kwa hili mulo jivisha, ni kipi
mwatufundisha,
Mila hii mila gani? Namtata nauliza.
20. Lipofika
liniteta, na mshenga nilileta,
Ni wa bara si mvita, ni kule kwa bwana pita,
Linena bila kusita, qabulini
hitapita,
Mila hii mila gani? Namtata nauliza.
21. Samani
sitazikidhi, ni sana naja waudhi,
Saba ulufi naridhi, tusemeni si
maradhi,
Ngetaka ngenda kwa kadhi, kini meola
sokidhi,
Mila hii mila gani? Namtata nauliza.
22.
Na chini linikalisha, seluni na kunivisha,
Maombi kuwasilisha, kwa hoja
mulinitisha,
Lengo kutofanikisha, la ndoa kulikwamisha,
Mila hii mila gani? Namtata nauliza.
23. ”
Mwerevu moja akaja, na kutoa ushauri,
“Tumozesheni mseja, kuepusha na ushari,
Tukizingatia mkaja, ni mambo yaso mazuri,”
Mila hii mila gani? Namtata nauliza.
24.
‘Anapokuja kapela, muradhini kwa diniye,
Muozesheni msela, na dini yake timiye,
Ondoeni nayo mila, na mola aje ridhiye,’
Mila hii mila gani, Namtata nauliza.
25.
‘Ndo mtume katufunza, juu ya dini
kutenda,
Tusiwe kama mafunza, kwa miguu kuipenda,
Tulienzi letu chenza, lisije kwetu
kuvunda,’
Mila hii mila gani? Namtata nauliza.
26.
‘Na machungwa yalochungwa, chongalinji hakuchonga,
Tusichunge yaso chungwa, sije tukala
mchunga,
Tukasema yalipangwa, kumbe twajipiga
panga,’
Mila hii mila gani? Namtata nauliza.
27.
‘Nawasia ndugi zangu, tuondoe matabaka,
Radhi nayo yake mungu, pate nasi
kutufika,
Vijana wache uzungu, na vigingi
kutoweka,’
Mila hii mila gani? Namtata nauliza.
28.
Kwa
busara lika chini, kwayo mengi alonena,
Ni kikao cha chukwani, kilifika kwa mchina,
Bada hoja za mneni, lifuata za wanena,
Mila hii mila gani? Namtata nauliza.
29. Pingamizi za wajomba, kwa
kugomba zilifata,
Walisema kwa kugomba, na kule kwao
kunata,
“Ami yake “kwa kasumba,”ndilo jikole kupata,”
Mila hii mila gani? Namtata nauliza.
30. Shangazi
nae simama, kuiunga hoja yake,
“Kwahiyo yako hekima, tatufanya
tuondoke,
Tumekuja kulisema, kijana wetu sondoke,’
Mila
hii mila gani? Namtata nauliza.
31. ‘Nikiwa kama shangazi, nahitaji haki yangu,
Na mkaja no ni kazi, ridhie mtimaangu,
Kukulea ndio kazi, ni jukumu lilo
langu,’
Mila hii mila gani? Namtata nauliza.
32. Mama yako kanituma, Asumini nisikie,
Ahitaji ilo nema, na si mradi ufike,
Utatupa na lawama, na kwetu sifikirike,
Mila hii mila gani? Namtata nauliza.
33. ‘ Yatilie akilini, kwa
haya nayokwambia,
Sijitose baharini, sababu unakimbia,
Kumpenda
Muhidini, wa bara nakuambia,’
Milahii mila gani? Namtata nauliza.
34. Kikao kilinisuta, tena
mbele ya hadhira,
Muhidini lijikuta, nimeipoteza dira,
Sikupakwa ta mafuta, angalau iwe nura,
Mila
hii mila gani? Namtata nauliza.
35. ‘Asumini jina langu, ninahitaji olewa,
Ni sitara ilo kwangu, nawahitaji elewa,
Ni chaguzi lilo langu, silazimishwi olewa,’
Mila hii mila gani? Namtata nauliza.
36. ‘Sihitaji ubaguzi, nilisema
ninasema,
Nitasema kichaguzi, bila hata ya kuhema,
Nimepata ufunguzi, kuolewa kulo nema,’
Mila hii mila gani? Namtata nauliza.
37. ‘ Nimeola tangu tangu, Muhidini ninapenda,
Naomba awe mewangu, nahitaji mziwanda,
Hili ndilo semo langu, na ndo kwake nishapenda,’
Mila hii mila gani? Namtata nauliza.
38. ‘ Na kwangu munasegana, ama kweli tahizika,
Nimekita nimebuna, kwa hili tasiwijika,
Hamkani
nafusina, mtimau watirika,’
Mila hii mila gani? Namtata nauliza.
39. ‘ Wangu wazazi mnani, kuzuwia Yasimini,
Dini ni wake simini, kedikedi ni za
nini,
Seleleya nafusini, taingia na simani,’
Mila hii mila gani? Namtata nauliza.
40. ‘ Niko radhi natamka, kwa zenu hila tapinga,
Nihurumeni tawika, kwa siku nyingi
napinga,
Ni mwaka wangu mefika, kufika huko
Mafinga,’
Mila hii mila gani? Namtata nauliza.
41. ‘ Ufiriti munolea, tahiliki nawambia,
Asimini jisemea, kwa Dini mejichimbia,
Kwakeye nimezowea, kwake hunisabilia,’
Mila hii mila gani ? Namtata
nauliza.
42. Jamani nipeni jiko, acheni kunibagua,
Msinipige kiwiko, kijiweni nasugua,
Yasimini langu jiko, na wenyewe
mwatambua,
Mila hii mila gani? Namtata nauliza.
43. Hivi sasa natambua, ile kauli ya Juma,
Alivo kwisha tambua, kwa kule kwake
kulema,
Alinyimwa kuchukua, jiko lisilo kilema,
Mila hii mila gani? Namtata nauliza.
44. Kiembe mbuzi n’kwao, hadi sasa hana hamu,
Thalathini na mitano, arobaini sawamu,
Kazikosa na nderemo, kwa mashariti
magumu,
Mila hii mila gani? Namtata nauliza.
45. Leta vitanda viwili, na
kabati taijaza,
Magodoroyo mawali, kulipamba lako
chenza,
Sisahau tasiwili, jitazama wako mwenza,
Mila hii mila gani? Namtata nauliza.
46. Alishindwa nawambia,
mpaka sasa atota,
Kwa shakawa takimbia, lakini kwao asita,
Ni wapi sasa dandia, kijana sasa kadata,
Mila hii mila gani? Namtata
nauliza.
47. Na sasa lanitandama, sembuse mie wa bara,
Haweshi kuniandama, kwa vigezo vya
ukora,
Na mashariti pindama, na kujikweza
ubora,
Mila hii mila gani? Namtata nauliza.
48. Na sasa tafanyanini, sihitaji kalimani,
Simini aniamini, Simini kwangu amani,
Ni wazazi lawamani, ndio yetu mitihani,
Mila hii mila gani? Namtata
nauliza.
49. Ni kikao hakijesha, na
wazee wajadili,
Pingamizi zilikesha, ili tusiwe wawili,
Takikisha najivesha, kivyovyote
mesawili,
Mila hii mila gani? Namtata
nauliza.
50.
‘Baba mwana lisimama, na kukata na shauri,
Mwanangu katu kiama, kwa bara piga
zumari,
Nitakupiga nakama, kiniletea kiburi,’
Mila hii mila gani? Namtata
nauliza.
51.
‘Takuja vipi olewa, na jitu liso mbolea,
Tahizika kitolewa, kwa chogo kutembelea,
Varuvaru ashakuwa, ni goro tazomelea,’
Mila hii mila gani? Namtata nauliza.
52. ‘ Tanakamishwa
kipinga, usiole nazo raha,
Kiendelea ka manga, Takoma kwazo karaha,
Kibweteka ko Mafinga, tandoka kwa majeraha,’
Mila hii mila gani? Namtata nauliza.
53. ‘ Jaribu
tena uone, ndio kikao ukomo,
Rasimi nisikione, nimekifunga mikono,
Na goro huyu simone, taondoka kwa mishono,’
Mila hii mila gani? Namtata nauliza.
54. ‘ Yasimini subiria, ame yako kungojeya,
Tena haraka rejea, aghalabu tanogeya,
Kwa goro hutosifia, kwa uzuri wa amiya,’
Mila hii mila gani? Namtata nauliza.
55.
‘ Mali yake yakutosha, pia na sisi tafika,
Na tena tabu tavisha, joho isije oneka,
Sikini takurupusha, na kwetu utazomeka,’
Mila hii mila gani? Namtata
nauliza.
56. ‘Pamoja baba wanena, haki yangu wakaliya,’
“Yasimini siwe lana, baba yako meongeya,”
“Pamoja baba wanuna, Dini ndo kanichumbiya’
Mila
hii mila gani? Namtata nauliza.
57.
‘Simini kiendelea, na mimi kujibizana,
Ni moto unakolea, tahiliki kwazo lana,
Kwanza mbali potelea, takulani ewe mwana,’
Mila hii mila gani? Namtata nauliza.
58.
‘ Tawanyikeni mesema, sihitaji kuwaona,
Jambo hili limelema, wa mana sijamuona,
Ni kauli nimesema, na wala sipaki hina,’
Mila
hii mila gani? Namtata nauliza.
59.
Ndugu zangu isilamu, muogopeni qudusi,
Kwa moto wa jahanamu, mufanyayo ni maasi,
Meishikwa na naumu, kwa kubagua unasi,
Mila hii mila gani? Namtata nauliza.
60. Wachunguzeni vijana, waishivo
kwenye lana,
Watoto wachafiana, libasi wavuliana,
Mapenzi ya kupendana, wamekosa hawa
wana,
Mila hii mila gani? Namtata nauliza.
61. Nishaurini ndu zangu, kwa msiba lonipata,
Nahitaji na mwenzangu, mitendeni sikupata,
Hawabali hali yangu, jenda heka mesifata,
Mila hii mila gani? Namtata nauliza.
62.
Pakalini baguana, na wazawa wenguana,
Wenyewe mwabezuana, wenye mali chaguana,
Sikini wakaliana, wangojea buruzana,
Mila hii mila gani? Namtata nauliza.
63. Mwenzangu mlo mtenga, kwa kisa hana jihenga,
Na nyumba kutokujenga, bodaboda si kitunga,
Si yeye ana ujinga, elimu kwake mzinga,
Mila hii mila gani? Namtata naulizia.
64 .Muogopeni rabana, rasuli amemtuma,
Kwa diniye lo bayana, ni kwa nini
mwachutama,
La nikahi twasutana, na pia kunisakama,
Mila hii mila gani? Namtata nauliza.
65.
Tafadhali walo wangu, tazama wanoyafanya,
Metoka tangu na tangu, vijana tokwa na
haya,
Wapate kulinda tangu, nyumbani silete
haya,
Mila hii mila gani? Namtata naulizia.
66. Tavumilia kipindi, vijana
sasa twachoka,
Bila kujali makundi, tajilinda kwa
mashoka,
Twataji wetu ushindi, ulomezwa na
mahoka,
Mila hii mila gani ? Namtata naulizia.
67. Rijali pia banati, wote
mefika wakati,
Kudai zetu chapati, noliwa kihayawati,
Na watu wenye mashati, wakilindwa na manati,
Mila hii mila gani? Namtata naulizia.
68. Thubutu sasa jaribu, kuzuwia
ombwe kazi,
Twakomboe so adhabu, na sitara zizozizi,
Sitirike sio tabu, washirati kumaizi,
Mila hii mila gani? Namtata naulizia.
69. Waso yale wazuzuri, tayazuru
makaburi,
Zajirani meshamiri, mukomboke na kiburi,
Punguzeni na mahari, ni mahari so uturi,
Mila hii miola gani? Namtata naulizia.
70. Naufunga mjadala, haki
fike maisara,
Vijana chushwa kulala, kwa vigezo vya
kafara,
Mefika sasa pahala, nani basi huuchwara,
Mila hii mila gani? Namtata nauliza.
71. Kaditama ya tamati, kabula
yangu mauti,
Nauasa huumati, tusifuge mabanati,
Zingatieni jamati, wasia hu ndio hati,
Mila hii mila gani? Namtata nauliza.
72
. Mashattani wa haramu, tashabbahu shubuhani
Mithilisha ya shattamu, tashakkamu
shakuwani
Watanassabu masumu, wahumu majuhalani
Mila
hii mila gani? Namtata enda keti
SHUKURANI.
PEKE ALLAH SHUKURIWE, KWA YAKE YALO MAPANA
KISHA KWA KILULUWALE, KWA MSADA
ULOFANA
NATAJA MKANALILE, PAMOJA NA MWAKUMUNA
RAFIKI ANGU MAKOE, NI OMARI LAKE JINA
KWA KUKATA NA UTEPE, KUFANIKISHA
KUBUNA
NI KWAO KILA LA KHERE, ATULIPE NA
FAUNA
WAZAZI NIWAOMBEE, KWA YAO YALO YA
KINA
KWA KUNIENGA BEBEBE, TANGU NIKIWA
USHINA
Aaamin
Namtata I.A.Y
07-05-2013
MUM/T/BAED/11/3236
+255717545353/+255688255913
Muslim University
of Morogoro.
0 comments :
Post a Comment